LOS ANGELES — Antwone Kelly a subi monticulo riba un di e escenario nan mas grandi di beisbol diasabra anochi, drentando di relevo pa Pittsburgh Pirates contra Los Angeles Dodgers na Dodger Stadium.
Kelly a drenta den e parti abou di e di ocho inning cu Pittsburgh atras 4-3, y a entrega un inning sin permiti carrera, manteniendo Pirates den e wega.
E pitcher Arubiano a termina su aparicion cu un tremendo linea:
1.0 IP | 0 H | 0 R | 0 ER | 0 BB | 1 K
Un di e momentonan mas special di e inning tabata ora Kelly a enfrenta Shohei Ohtani, dunando e pitcher Arubiano e oportunidad di midi su mes contra un di e estrellanan mas grandi den Major League Baseball.
Kelly a completa e inning sin permiti ni un hit ni un base por bola, mientras e ta sigui acumula experiencia importante na nivel di Major League.
Pirates no a logra completa e remontada, y Dodgers a gana e wega cu score final di 4-3.
Pa Kelly, esaki tabata otro aparicion fuerte y otro momento memorabel pa beisbol di Aruba — e biaha aki bou di e luznan di Dodger Stadium.